Тенисерките со победа го отворија Били Џин Кинг Купот

Македонија обезбеди лесна победа против Јужна Африка на стартот на Били Џин Кинг Купот кој се реализира во Ларнака – Кипар.

Магдалена Стоилковска за само четириесетина минути ја совлада Дона Ле Ру со убедливи 6-3 и 6-0 додека Лина Ѓорческа беше сигурна против Мари Луи ван Зил и победи со 6-2 и 6-1.
Со тоа мечот во двојки ќе нема значење.

Нашите тенисерки утре во второто коло ќе се сретнат со селекцијата на Норвешка. Скандинавките на стартот очекувано ја добија пресметката со Косово.