Тен Хаг го бара Брахим Дијаз на „Олд Трафорд“

Манчестер Јунајтед е заинтересиран за плејмејкерот на Реал Мадрид, Брахим Дијаз, кој е на позајмица во Милан.

Шпанецот е во сопственост на Реал Мадрид, но веќе трета сезона е на позајмица во Милан. Италијанскиот клуб може да го купи Дијаз за 22 милиони евра на крајот на сезоната, но Реал има опција да го врати за 5 милиони евра повеќе.

Наводно „кралевите“ веќе го известиле Милан дека сакаат да го вратат Шпанецот во своите редови и ќе ја платат разликата од 5 милиони евра.

Реал се одлучил на таков чекор бидејќи цената на Брахим Дијаз е повисока во моментов и Манчестер Јунајтед е спремен да плати 35 милиони евра за неговиот потпис.