Тиквеш „скршен“ во вториот дел, Еурофарм Пелистер победнички го почна плеј-офот

Ракометарите на Еурофарм Пелистер ја забележаа првата победа во плеј-офот во Суперлигата и тоа на гостувањето во Кавадарци кај Тиквеш.

Гостите од Битола триумфираа со 27-32 во средба во која првиот дел донесе далеку поизедначена игра и минимална предност на фаворитот од 15-16 на паузата, но по одморот актуелниот првак се одлепи и потоа немаше проблеми да го сочува стекнатото водство.

Најефикасен играч беше репрезентативецот Кузмановски со дванаесет гола, додека на другата страна Кривокапиќ имаше десет реализации.

Во следното коло Еурофарм Пелистер гостува кај Охрид, в недела од 18:00 часот.