Тимо Вернер поради повреда го пропушта Мундијалот во Катар

Германскиот репрезентативец и напаѓач на Лајпциг, Тимо Вернер, поради повреда на скочниот зглоб ќе го пропушти настапот на Светското првенство во Катар.

Вернер се повреди на натпреварот од Лигата на шампионите против Шахтјор кога мораше да го напушти теренот во 16.минута.

Ова дефинитивно е лоша вест за селекторот на Германија, Ханс Флик, бидејќи Вернер беше стартен напаѓач во претходните натпревари.

Вернер во дресот на германската селекција има 55 настапи и постигнати 24 гола.