Толисо се тетовираше, па остана „полесен“ за 50 илјади евра

Фудбалерот на Баерн Минхен, Корентин Толисо е казнет со 50 илјади евра поради кршење на протоколите во борбата против КОВИД-19, откако францускиот фудбалер ја направи својата најнова тетоважа.
Поранешниот фудбалер на Лион поради ваквото однесување е исклучен од тимот за дуелот против Хофенхајм кој се одигра викендов.
26-годишниот играч за врска го пропушти и претходниот дуел против Шалке, а сезонава имаше проблеми со повреди и суспензии поради исклучување.
Толисо е член на Баерн веќе три и пол години, а во тоа време стана стандарден играч на екипата која минатата сезона ги освои сите можни титули.