Том Брејди најави дефинитивно заминување во пензија

Легендарниот квортербек на американската НФЛ лига, и еден од наjуспешните спортисти во тимските спортови, Том Брејди, објави дека дефинитивно става крај на својата кариера, и заминува во играчка пензија.

45-годишниот Брејди, својата одлука за повлекување ја објави преку видео порака на социјалните мрежи. Тој во својата кариера има освоено седум НФЛ титули, а дури пет пати беше прогласуван за најкорисен играч (МВП) на финалните натпревари во Супербол.

Брејди од 2000. до 2019. година беше дел од екипата на Њу Ингланд Патриотс, од каде замина во Тампа Беј Баканирс.

Легендарниот играч имаше свое повлекување од НФЛ лигата и на почетокот од минатата година, но после два месеци се предомисли и се врати во Тамба Беј каде ќе ја одигра својата последна сезона.