Тонали ќе добие нов договор во Милан

Милан вчера се сретна со Сандро Тонали за да разговара за нов договор. 22-годишниот италијански играч за врска е еден од клучните играчи во тимот на Стефано Пиоли, а иако неговиот актуелен договор истекува во 2026 година, клубот не сака да биде изненаден со евентално негово заминување.

Минатата година Милан побара од Тонали да направи мало намалување на платата за да помогне во финансиските ограничувања, а сега тие планираат да го наградат својот клучен човек во средниот ред.

Планот на Милан е да го продолжи договорот со Тонали на уште една година до 2027 година, со што во тој процес ќе му ја зголеми платата.