Тотенхем до крајот на јануари без Хеунг-Мин Сон

Тренерот на Тотенхем, Антонио Конте објави дека тимот до крајот на месецов ќе настапува без еден од најдобрите играчи, Хеунг-Мин Сон.

Напаѓачот од Јужна Кореја има проблеми со повреда која се очекува да биде санирана до крајот на јануари, па така Сон нема да може да игра на неколку наредни средби на клубот од Лондон.

Тој најверојатно го пропушта гостувањето против Морекомб во ФА Купот, реванш дуелот со Челзи во Лига купот како и градското дерби против Арсенал.