Трипие нема да игра за Њукасл до крајот на сезоната?

Прашање е дали дефанзивецот на Њукасл, Киран Трипие, повторно ќе заигра за тимот до крајот на сезоната, откако беше опериран поради здобиена скршеница на стапалото, само неколку недели откако му се приклучи на клубот.

Англискиот десен бек заработи скршеница на коска на левото стапало при победата од 1-0 над Астон Вила во рамките на Премиер лигата. 31-годишниот играч имаше клучна улога во извлекувањето на тимот од зоната на испаѓање, откако во јануари пристигна од Атлетико Мадрид.