Три клубови од Премиер лигата заинтересирани за Мемфис Депај

Некои од англиските медиуми пренесуваат дека играчот на Барселона, Мемфис Депај може да го напушти Камп Ноу една година пред истекот на неговиот актуелен договор со клубот.

Според информациите, интерес има од Арсенал, кој има потреба од фудбалер во нападот по разделбата со Пјер-Емерик Обамејанг, кој замина во Барса.

Евертон е исто така заинтересиран за холандскиот инернационалец доколку екипата обезбеди опстанок во Премиер лигата и во наредната сезона.

Њукасл Јунајтед е третиот клуб од Премиер лигата кој го „прати“ Депај, и може да си дозволи да испрати повисока финансиска понуда за негов ангажман.