Тудор пред промоција на клупата на Рен

Хрватскиот стратег Игор Тудор е без клуб од почетокот на јуни и неговото заминување од Лацио, но според пишувањето на францускиот весник „Л`Екип“ деновиве тој треба да го преземе Рен.

Досегашниот тренер на тимот, Јулијан Стефан заминува откако неговите фудбалери освоија 8 бода по осум кола од стартот на првенството.

Тудор е прв избор и се надева дека ќе ја добие работата. Тој има импресивен учинок во 48 натпревари на клупата на Олимпик од Марсеј, сезона 2022/23 – 27 победи, 14 порази и седум нерешени средби. Претходно ги водеше Хајдук, ПАОК, Карабукспор, Галатасарај, Удинезе и Верона.