Тухел го сака Хименез од Атлетико Мадрид

Челзи покажува сериозен интерес за дефанзивецот на Атлетико Мадрид, Хозе Хименез пренесуваат англиските медиуми.
Томас Тухел сака на лето да ја засили одбраната на „сините“ и верува дека 25-годишниот Уругваец ќе биде идеално засилување.
Тухел сака да донесе искусен и квалитетен дефанзивец, кој ќе биде лидер во одбраната бидејќи Тиаго Силва е на залез на кариера. Интересно е што самиот Хименес неодамна изјави дека сака еден ден да заигра во дресот на Челзи, па тоа може да го олесни трансферот.
Уругваецот има договор со „јорганџиите“ до 2023 година, па Атлетико сигурно нема лесно да се откаже од него.