УЕФА дозволи гледачи на финалето на Лигата на шампионите во Порто

Европската куќа на фудбалот (УЕФА) и официјално потврди дека финалето во Лигата на шампиони ќе се игра во Порто на стадионот „Драгао“. Финалето требаше да се игра на 29-ти мај во Истанбул, а УЕФА објасни дека се преместува во Порто поради потешкотиите англиските фанови да патуваат во Турција. Се шпекулираше дека мечот може да се игра на „Вембли“ затоа што во прашање се две англиски екипи, меѓутоа британската Влада не можеше да даде гаранции за присуство на фанови. Во Порто ќе има по 6.000 фанови на Манчестер Сити и Челзи, двата англиски клуба кои ќе се борат за трофејот.