УЕФА ја претстави топката за нокаут-фазата на ЛШ

УЕФА официјално ја претстави топката што ќе се користи во нокаут-фазата и на финалето на Лигата на шампионите 2026, кое ќе се одигра во Будимпешта, на стадионот „Пушкаш Арена“. Станува збор за топка изработена од „Адидас“, а нејзиното официјално име е „Adidas UCL Pro Budapest 2026“.

Новата топка е целосно посветена на Будимпешта како град-домаќин, а дизајнот е инспириран од концептот „приказна за два града“, односно Будим и Пешта.

Кога станува збор за боите, доминира богата металик-виолетова основа со таканаречен „камелеон ефект“, кој ја менува нијансата во зависност од светлината и аголот на гледање. Контраст создаваат чисто белите ѕвезди, како и деталите во жолта боја.

Новата топка ќе го има своето деби овој месец со почетокот на натпреварите во елиминационата фаза.