Уште три големи борби и Усик заминува во пензија

Шампионот во тешка категорија Александар Усик (24-0, 15 нокаути) планира да се бори уште три пати пред да го објави пензионирањето.

39-годишниот шампион ќе се врати на рингот на 23 мај во Гиза, Египет, против легендата на кикбоксот Рико Верховен.

Во интервју за „Ринг“, Усик рече дека ова е првата од трите планирани борби за збогување.

„Слушајте. Рико е првата борба“, објаснува Усик. „Втората е со победникот на борбата за титулата во ВБО меѓу Фабио Вордли и Даниел Дубоа. А третата е со мојот пријател, „Алчниот стомак“, Тајсон Фјури“.