У21 селекцијата и вторпат загуби во пријателски меч од Косово

Младата фудбалска репрезентација на Македонија до 21 година го загуби и вториот пријателски натпревар против Косово. Денеска на комплексот „Петар Милошевски“, новата генерација млади фудбалери до 21 година загуби со 0-1.

Стрелец на победничкиот гол за Косово беше Аулон Битиќи во 40.минута од мечот.

Новата генерација на Драги Канатларовски во вториот дел проба да го поправи впечатокот и имаше иницијатива и шанси но резултатот остана непроменет.