Федерер нема да настапува на Ролан Гарос

Швајцарскиот тенисер Роџер Федерер, и официјално нема да игра на овогодинешниот Ролан Гарос.

Федерер не успеа да се опорави од повредата која го мачи подолг период и не е во можност да настапува на Грен Слем турнирот во Париз.

Швајцарецот минатата година успеа да стигне до четвртото коло од престижниот турнир, но го предаде мечот против Италијанецот Беретини.

Роџер Федерер во 2009 година ја освои првата и единствена титула на Ролан Гарос.