Фенер добива уште два милиони од Реал, откако Арда одигра сто меча

Играчот од средниот ред на Реал Мадрид, Арда Гулер, го одигра својот 100-ти натпревар за клубот. Тоа се случи во реваншот од плејофот на Лигата на шампионите, во кој Реал Мадрид ја победи Бенфика со 2:1. Со ова достигнување, Арда Гулер му донесе на својот поранешен клуб Фенербахче приход од 2 милиони евра, објави „АС“.

Достигнувањето на границата од 100 натпревари за мадридскиот клуб активираше клаузула во неговиот договор со која Реал Мадрид треба да му исплато на неговиот поранешен клуб одреден бонус. Оваа сума ќе се зголеми за 2 милиони евра ако турскиот играч одигра уште 25 натпревари за Реал Мадрид.

Гулер се приклучи на Реал Мадрид од Фенербахче во летото 2023 година. Оваа сезона, играчот одигра 39 натпревари за клубот во сите натпреварувања, постигнувајќи три гола и 12 асистенции.