Ференцварош е новиот клуб на Дејан Станковиќ

Дејан Станковиќ официјално е назначен за нов тренер на најтрофејниот унгарски клуб Ференцварош, потврди на својот официјален сајт учесникот во Конференциската лига.

Станковиќ по лошата епизода во Сампдорија ќе има нов тренерски ангажман и ќе предводи уште еден гигант од овие простори откако седеше на клупата на Црвена Звезда.

На стартот од сезоната Ференцварош беше предводен од Русинот Станислав Черишов, но по елиминацијата од Класвик во квалификациите за Лигата на шампионите доби отказ, привремено клубот го водеше Чаба Мате.

Како и во Сампдорија и тука прв помошник на Станковиќ ќе му биде Ненад Сакиќ.