Фернандо Торес наследник на Симеоне во Атлетико Мадрид?

Фернандо Торес сѐ повеќе се истакнува како сериозен кандидат да го преземе кормилото на Атлетико Мадрид и да го наследи Диего Симеоне.  

Неговиот континуиран напредок со Атлетико Мадрид Б и силната доверба што ја ужива во клубот го прават логичен наследник, особено сега кога притисокот врз Симеоне расте поради слабата форма на почетокот од сезоната. Иако шпекулациите не стивнуваат, претседателот на Атлетико, Енрике Серезо, јавно ја потврди поддршката за Симеоне и изрази задоволство од неговото водство. Сепак, договорот на Симеоне важи до 2027 година, а желбата за нови трофеи отвора прашања дали заминувањето може да дојде и порано. 

Симеоне е тренерот со најмногу натпревари на клупата на еден клуб во Ла Лига, и човекот кој го дефинираше модерното лице на Атлетико, со две титули во Ла Лига и Лига Европа, и неколку доместични трофеи од 2011 година наваму. Но, резултатската криза и недостатокот на нови големи успеси доведоа до зголемени размислувања за следниот чекор. 

Поранешниот асистент на Симеоне, Герман Бургос, го нарече Торес „совршен наследник“, а сличен став имаат и бројни фигури во клубот. Торес, пак, одбил неколку понуди од други клубови, воден од сонот еден ден да ја предводи првата екипа. 

Со искуство во младинските и резервните тимови и силна емоционална врска со клубот, Торес сѐ повеќе изгледа како подготвен кандидат за првиот тим, можеби уште во 2026 година, ако се отвори таа шанса.