Фернардо Диниз привремен селектор, Анчелоти го презема Бразил следната година

Тренерот на Флуминенсе, Фернандо Диниз е назначен за селектор на фудбалската репрезентација на Бразил, соопшти локалната фудбалска конференција. Договорот на специјалистот е на една година и ќе стапи на сила од квалификациите за Светското првенство во 2026 година во септември.

Диниз (49) ќе ја продолжи својата работа во Флуминенсе, каде е тренер од 2022 година.

Претседателот на Бразилската фудбалска конфедерација, Едналдо Родригез исто така потврди дека Карло Анчелоти ќе ја преземе репрезентацијата на Бразил по Копа Америка во 2024 година.