ФИФА го одложи баражот помеѓу Украина и Шкотска

Меѓународната фудбалска федерација (ФИФА) го одложи бараж натпреварот за пласман на СП во Катар меѓу Украина и Шкотска.

Дуелот првично беше закажан за 24 март во Глазгов, но ФИФА му излезе во пресрет на селекцијата на Украина која побара одложување на мечот поради воените напади од Русија.

Датумот за повторното одигрување на натпреварот ќе биде дополнително соопштен од страна на ФИФА.

Подобриот од овој дуел, во финалниот бараж ќе се сретне со победникот од натпреварот помеѓу Велс и Австрија.