ФИФА прифати, Мундијалот ќе започне еден ден порано

Меѓународната фудбалска федерација (ФИФА) официјално го одложи почетокот на овогодинешното Светско првенство во Катар за еден ден, па турнирот ќе започне на 20 ноември со натпреварот меѓу Катар и Еквадор.

Првично беше планирано Светското првенство да започне на 21 ноември, а првиот дуел да го одиграат селекциите на Холандија и Сенегал.

Изненадната промена беше потпишана од Комитетот на ФИФА, кој го сочинуваат неговиот претседател Џани Инфантино и претседателите на шесте континентални фудбалски тела.

ФИФА соопшти дека одлуката е донесена едногласно.

Натпреварот меѓу домаќините на турнирот и Еквадор наместо ден подоцна во истиот термин ќе се игра на 20 ноември во 19 часот по локално време, додека натпреварот Холандија – Сенегал кој требаше да се одигра на 21 ноември во 13:00 часот, е преместен за 19:00 часот.