ФК Црно Буки ЗЛ е освојувач на Купот на ОФС Битола
Членот на Македонската Трета Лига-Југозапад, фудбалскиот клуб Црно Буки ЗЛ, е овогодишен освојувач на трофејот во Купот организиран од Општинскиот фудбалски сојуз Битола.
Играчите на Црно Буки ЗЛ во финалниот натпревар кој се одигра на стадионот „Петар Милошевски“ во Битола беа поуспешни од екипата на ФК Кравари. Финалниот дуел во регуларниот дел заврши со резултат 1:1, а поуспешни во изведувањето на пеналите беа играчите на Црно Буки кои славеа со 4:2.
Претседателот на клубот Тодорче Кочишки после натпреварот изрази големо задоволство од освојувањето на победничкиот пехар кој е прв позначаен трофеј во клупските витрини. Тој истакна дека планот на клубот за наредната сезона е пласман во Втората Македонска Фудбалска Лига.
Освојувањето на Куп титулата предизвика огромна радост кај сите навивачи и поддржувачи на клубот од Црнобуки.
Еден од верните спонзори и поддржувачи на ФК Црно Буки ЗЛ се и спортските обложувалници Евротип кои подолг период ја помагаат работата на клубот. Овој успех е само потврда на големиот труд на раководните лица од клубот и сите членови на стручниот штаб и тимот.
Евротип од своја страна ќе продолжи со поддршката и помагањето на Црно Буки ЗЛ и во иднина со надеж дека клубот и понатаму ќе постигнува одлични резултати.
