Фоден е играч на сезоната во Премиер лигата

Крилниот напаѓач на Манчестер Сити, Филип Фоден е прогласен за најдобар играч во актуелната сезона во англиската Премиер лига. Ова го објави официјалниот сајт на „граѓаните“.

Да потсетиме, оваа сезона од англиската Премиер лига, 23-годишниот фудбалер учествуваше на 34 натпревари, на кои постигна 17 голови и 8 асистенции.

Во конкуренција на Фоден беа: Ерлинг Халанд (Манчестер Сити), Александар Исак (Њукасл Јунајтед), Мартин Одегард (Арсенал), Кол Палмер (Челзи), Деклан Рајс (Арсенал), Вирџил ван Дајк (Ливерпул), Оли Воткинс (Астон Вила).

Актуелниот договор на Фоден со клубот трае до летото 2027 година. Според информациите објавени на порталот Трансфермаркт, пазарната вредност на фудбалерот е 130 милиони евра.

Претходно, офанзивниот играч за врска на Челзи, Кол Палмер, кој потекнува од школата на Манчестер Сити, беше прогласен за најдобар млад фудбалер во тековната сезона во англиската Премиер лига.