„Франс фудбал“ објави, Родри освои 41 глас повеќе од Винициус

Manchester City’s Spanish player Rodri receives the 2024 Men’s Ballon d’Or award during the 68th Ballon d’Or (Golden Ball) award ceremony at Theatre du Chatelet in Paris, Monday, Oct. 28, 2024. (AP Photo/Michel Euler)

Фудбалерот на Манчестер сити, Родри, ја освои „Златната топка“ со 41 глас повеќе од второпласираниот играч на Реал Мадрид, Винисиус Жуниор, објави Фабрицио Романо.

Доделувањето на овогодинешната „Златна топка“, која се доделува на најдобриот играч од претходната сезона, се одржа на 28 октомври во Париз, а точниот број на гласови кои ги освоил секој играч не беше веднаш достапен.

Ниту еден претставник на Реал Мадрид не присуствуваше на церемонијата, бидејќи однапред знаеја дека Винисиус Жуниор нема да ја добие наградата. Реал сметаше дека организаторите на наградата покажале непочитување кон тој клуб.