„Франс фудбал“ ќе ја додели „Златната топка“ на 17 октомври

Церемонијата на доделување на Златната топка за 2022 година ќе се одржи на 17 октомври, објавија од „Франс Фудбал“. Номинираните за наградата ќе бидат објавени на 12 август.

Да потсетиме дека последната церемонија за доделување на Златната топка се одржа во Париз (Франција) на 29 ноември минатата година. Добитник на наградата на крајот на 2021 година беше аргентинскиот напаѓач на Пари Сен Жермен Лионел Меси.

Напаѓачот доби 613 поени, 33 пред напаѓачот на Баерн Роберт Левандовски. За Лионел Меси оваа „Златна топка“ беше седма во кариерата.