Франција прв фаворит на Мундијалот во Катар

Фудбалската репрезентација на Франција има најголеми шанси да го освои светското фудбалско пренство во Катар оваа зима, велат податоците на позната аналитичка куќа „Опта Спорт“. Според нивните статистички проценти, „триколорите“ имаат 17,93% шанси да го одбранат светскиот трон и да го направат она што никој од 1962 година не успеал.

На Бразилците им се даваат шанси од 15,73 отсто и тие се втори фаворити за светската круна, додека Шпанците се на третото место на оваа листа на фаворити со 11,53% шанси за најголемиот успех. До петтото место следуваат Англија и Белгија, а интересно Германија има само 7,21% шанси за светската круна, кои ја сместуваат на 7. место на листата на фаворити.