Франција ја сака организацијата на Светското првенство во кошарка во 2031 година

Кошаркарската федерација на Франција ќе се обиде да ја добие кандидатурата за организација на Светското кошаркарско првенство во 2031 година.

Франција досега никогаш не била домаќин на континентален шампионат, а нема ни титула на овие натпреварувања при што најголемиот успех е третото место во 2014 и 2019 година.

Она што е најинтересно, Французите сакаат сами да го организираат кошаркарскиот Мундијал, за разлика од европските првенства, па и последното светско, каде повеќе држави се појавија во улога на домаќини.

Светско првенство не се одржало на европскиот континент од 2014 година кога домаќин беше Шпанија, во 2019 година тоа се одржа во Кина, во 2023 организатори беа Филипини, Јапонија и Индонезија, а следното ќе биде во Катар, во 2027 година.