Фудбалерките на Љуботен го декласираа Пјуник и испишаа историја

Македонскиот фудбалски шампион во женска конкуренција, ЖФК Љуботен, испиша историски успех со пласман во втората рунда од квалификациите во Лигата на шампионите на УЕФА.

Фудбалерките на Љуботен денеска славеа против екипата на Пјуник со 4-0 во финалето на претквалификацискиот турнир во Скопје и со тоа се изборија за пласман во следната квалификациска рунда во најквалитетното женско клупско натпреварување во Европа.

Хава Мустафа беше автор сите четири гола за Љуботен во денешната убедлива победа. Оваа победа му носи на Љуботен пласман во втората квалификациска рунда, каде сигурно ќе добие потежок противник, но нашиот шампион ќе има нова шанса за уште поголем прогрес во елитното натпреварување на УЕФА.