Фудбалската репрезентација „летна“ за Прага на дуел со Саудиска Арабија

Македонската фудбалска репрезентација денес отпатува за Прага на првиот од двата септемвриски натпревари во рамките на ФИФА прозорецот. Со оглед на тоа што во првиот термин нашите момци се слободни, утре од 17:00 часот во главниот град на Чешка ќе одиграат пријателски натпревар против Саудиска Арабија.

За првиот дуел селекторот Милевски најави дека ќе им даде шанса и на оние кои немаат стандардно место во првиот состав на нашиот национален тим. Истиот ќе биде искористен за подготовка за важниот квалификациски дуел во недела.

По овој меч селекцијата се враќа во Скопје, а в недела не чека меч со Лихтенштајн.

Попладнево нашите момци ќе тренираат во Прага.