Фулам се враќа во Премиер лигата

Екипата на Фулам славеше победа од 3:0 над Престон, со што обезбеди едно од првите две места кои водат во Премиер лигата.

Фулам е лидер во англискиот Чемпионшип со 86 бодови од 42 натпревари. Екипата постигна 98 гола, од кои 40 се заслуга на Србинот Александар Митровиќ.

Тимот повторно се враќа во елитата по една сезона во Чемпионшип, а промоцијата ќе му донесе финансиска награда од 90 милиони фунти. 

Целта на Фулам до крајот на сезоната е да го освои првото место, и да ја задржи предноста пред второпласираниот Борнмут.