Хасани Гравет прв кошаркар од македонскиот шампионат во НБА лигата

Американецот Хасани Гравет стана првиот играч, кој од македонското кошаркарско првенство директно се пресели во НБА лигата, откако доскорешниот бек на шампионот МЗТ Скопје Аеродром стана нов член на Орландо Меџик.

Гравет минатата сезона во дресот на МЗТ Скопје настапи на 26 средби од домашното првенство со просек од 12,1 поени, 4,4 скокови и 3,7 асистенции, додека во АБА 2 лигата на 12 натпревари просечно реализираше 12,4 поени, 3,9 скокови и три асистенции.

Американецот Гравет му се приклучи на тимот на Орландо во Летната лига, каде имаше просек од осум поени и по 2,6 скокови и асистенции по што доби шанса за докажување во тренинг – кампот на „магичните“ во пресрет на новата сезона.