Хименез: Заслуживме победа, Јунајтед искусно нè казни

Дефанзивецот на Атлетико Мадрид, Хозе Хименез, по нерешените 1-1 со Манчестер Јунајтед во првото осмина–финале од Лигата на фудбалските шампиони, вели дека резултатот не е реален на прикажаното на теренот.

„Мислам дека требаше да победиме. Добро се браневме, имавме напади, создававме ситуации, двапати ја погодивме пречката, но, Манчестер Јунајтед е многу добар тим и погоди од контра-напад откако ја загубивме топката“, вели Хименез.

Реваншот меѓу шпанскиот тим и „црвените ѓаволи“ ќе биде одигран во Англија на „Олд Трафорд“ на 15 март.