Хоџсон по 44 години пак ќе седне на клупата на Бристол Сити

Англискиот тренер Рој Хоџсон повторно се враќа од пензија и на 78-годишна возраст го презеде тимот на Бристол Сити во Чемпионшип.

Искусниот стратег потпиша договор до крајот на сезоната, заменувајќи го Герхард Штрубер, а ова за него претставува враќање во клубот кој го водеше уште во 1982 година.

Бристол Сити по 39 одиграни кола се наоѓа на 16-тата позиција на табелата и на пет натпревари до крајот нема реални шанси за пласман во плеј-офот, но ниту е загрозен од испаѓање.

За Хоџсон, ова е нов предизвик по последниот ангажман во Кристал Палас во сезоната 2023/2024.