Чаби Алонсо веќе е најтрофеен тренер во историјата на Баер Леверкузен

Баер Леверкузен го подигна трофејот во германскиот Суперкуп по победата на пенали против Штутгарт. Ова беше трет трофеј во последната година за „фармацевтите“, а сите беа освоени под водство на тренерот Чаби Алонсо.

Со овој пехар Алонсо стана најуспешниот тренер во клупската историја на тимот од Леверкузен, откако пред него клубот имаше само два трофеи. Едниот беше Купот на Германија од сезоната 1992/1993, а другиот беше Купот на УЕФА од сезоната 1987/1988.