Чаби Алонсо сака да го позајми Арда Ѓулер до крајот на сезоната

Баер Леверкузен е заинтересиран за играчот од средниот ред на Реал Мадрид, Арда Ѓулер.

„Фармацевтите“ го следат турскиот интернационалец уште од неговото време во тимот на Фенербахче, но потоа тој одбра кариерата да ја продолжи на „Сантијаго Бернабеу“.

Во оваа фаза, шансата Арда Ѓулер да се пресели во Леверкузен во зима е минимална. Ниту Реал Мадрид, ниту самиот играч сериозно не размислуваат за можноста тој да биде префрлен во друг клуб до крајот на сезоната.

„Ендрик и Арда Ѓулер нема да го напуштат Реал Мадрид. И двајцата остануваат. Не сум пристрасен кон младите. Во текот на мојата кариера типував на многу млади играчи“, изјави тренерот на шпанскиот гигант, Карло Анчелоти.

Турскиот интернационалец од почетокот на сезоната има постигнато еден гол на 17 натпревари во сите натпреварувања. Баер Леверкузен нема да се откаже од идејата да го ангажира, но тоа може да се случи на лето доколку Реал реши дека би било добро играчот од средниот ред да стекне искуство како стартер и да се согласи да го пушти на позајмица.