Чави: Барселона е во налет

Тренерот на Барселона, Чави се надева дека неговиот тим ќе се искачи на табелата и ќе се вмеша  во битката за што повисок пласман во преостанатите натпревари до крајот на сезоната во шпанската Ла Лига.

Каталонците остварија убедлива победа од 4-0 над Атлетик Билбао и сега се наоѓаат на четвртото место од лигашката табела, со само еден бод зад третопласираниот Бетис.

„Очекував ваква победа бидејќи гледам како тренираат момците. Тимот е подобар, ние добиваме на брзина. Одигравме цврсто, самоуверено во одбраната, добро притискавме кога ја загубивме топката. Среќен сум и за поддршката од публиката. Борбата за титулата? Не исклучувам ништо, но Реал е многу силна екипа. одиме чекор по чекор на табелата, сега сме четврти, и целта е наскоро да го заземеме третото место“, изјави Чави.