Чави добива нов подобрен договор со Барселона
![](https://blog.evrotip.mk/blog2/wp-content/uploads/2023/03/xavi-1-1024x665.jpg)
Барселона размислува за продолжување на договорот со својот тренер Чави, објави венсикот „Марка“.
Според изворот, каталонскиот клуб сака да му понуди на Чави продолжување на договорот за најмалку уште една година. Раководството на клубот планира за ова прашање да разговара со тренерот во јуни, односно по завршувањето на сезоната.
Сепак, тешкото прашање при продолжувањето на договорот со Чави е платата на тренерот. Сега Чави има многу ниска плата. Поради финансискиот фер-плеј, каталонскиот клуб не можеше да му плати повеќе. Овие проблеми се уште не се решени. Чави е на чело на Барселона од 2021 година. Договорот меѓу тренерот и клубот е до 2024 година.
По 26 кола од шампионатот на Шпанија, Барселона е лидер на табелата со 68 бодови, со предност од 12 бода во однос на Реал Мадрид кој е втор.