Челзи го договорил Нкунку од РБ Лајпциг

Челзи долго време бара нови засилувања и конечно успеа да договори едно од нив. Тоа е Кристофер Нкунку кој доаѓа од Лајпциг, а трансферот ќе изнесува 70 милиони евра.

Медицинските прегледи биле завршени уште во септември, а сега се комплетирани и останатите детали меѓу двете страни.

Познатиот новинар Фабрицио Романо објави дека сите страни само чекаат потпис на договорот за официјално да биде потврден трансферот на Нкунку во Челзи.

Челзи ќе го добие Нкунку на 23 јуни, односно за следната сезона, што значи дека одличниот француски напаѓач останува во Лајпциг до крајот на оваа сезона.