Челзи го позајми Аксел Дисаси во Астон Вила

Раководството на Астон Вила официјално го објави потписот на централниот дефанзивец Аксел Дисаси од Челзи. Францускиот дефанзивец ќе игра на „Вила Парк“ како позајмен до крајот на сезоната.

Трансферот помеѓу Астон Вила и Челзи беше финализиран во последните минути од зимскиот трансфер период.

Сериозен интерес за Дисаси имаше и од Тотенхем, но самиот играч повеќе сакаше да потпише со екипата од Бирмингем.

Договорот на играчот со Астон Вила не вклучува опција за негов откуп, што значи дека дефанзивецот сигурно ќе се врати на „Стемфорд Бриџ“ на крајот од сезоната.