Чемпионшип одби да се имплементира ВАР технологијата

Клубовите од ЕФЛ Чемпионшип одлучија да не воведат ВАР или слична видео-технологија од следната сезона, и покрај претходните иницијативи.

Станува збор за поедноставен систем на „видео поддршка“, кој предвидува по два „челенџа“ по тренер на натпревар, но клубовите сепак се изјаснија против било каква форма на видео-преглед.

Главни причини за ваквата одлука се високите трошоци и стравувањата дека технологијата може да ја наруши динамиката на играта и искуството на навивачите.

Иако дел од тренерите бараа воведување на ВАР за намалување на судиските грешки, мнозинството клубови не ја поддржаа идејата.

Засега, ќе продолжи да се користи само технологијата за гол-линија, додека видео-помошта е ставена во мирување.