Четири екипи учесници на турнирот а Атлетик во Скопје

Женскиот ракометен клуб Атлетик од Скопје го најави одржувањето на првото издание на меѓународниот женски ракометен турнир „АТЛЕТИК И ПРИЈАТЕЛИТЕ” кој ќе се одржи во Спортскиот центар Јане Сандански (мала сала) во период од 30 јануари до 01 февруари.

ЖРК Атлетик кој е лидер на табелата во првата женска ракометна лига со 11 победи од 11 одиграни средби по првиот дел од сезоната е најсериозен кандидат за пласман во Супер лигата, а зимската пауза ја искористи за добри подготивки, но и организација на овој женски ракометен турнир.

На турнирот ќе учествуваат три екипи од Македонија (Вардар, Куманово и Атлетик) и една од Црна Гора, екипата на Будуќност 2

Распоред на натпревари:
30.01.2026 (петок)
16:00 ЖРК Атлетик – ЖРК Вардар
18:30 ЖРК Будуќност 2 – ЖРК Куманово

31.01.2026 (сабота)
16:00 ЖРК Будуќност 2 – ЖРК Вардар
18:30 ЖРК Атлетик – ЖРК Куманово

01.02.2026 (недела)
12:00 ЖРК Будуќност 2 – ЖРК Атлетик
14:30 ЖРК Куманово – ЖРК Вардар

Сите натпревари ќе се играат во Спортскиот центар Јане Сандански (мала сала) и влезот е слободен за љубителите на ракометот.