Чеферин: Идејата за Суперлигата е мртва

Претседателот на УЕФА Александар Чеферин му одговори на Флорентино Перез околу обновувањето на идејата за Суперлигата.

Набрзо откако претседателот на Реал Мадрид Флорентино Перез на годишното собрание на мадридскиот клуб порача дека идејата за основање на фудбалска Суперлига не е мртва, Чеферин му испрати јасна порака дека тој нема да дозволи такво натпреварување.

„Веќе предолго зборуваме околу тоа. За мене идејата за Суперлига повеќе не постои. Ми пренесоа што се случувало во неделата и што изјавил Перез. Тој практично бара и ја промовира идејата фудбалот да се затвори и големите клубови да не играат повеќе со мали клубови. Тоа бара  да се промени целиот европски модел. Таквата идеја не заслужува коментар затоа што би предизвикала голема разлика помеѓу сиромашните и богатите клубови што би ја нарушила рамнотежата во фудбалот“, јасно порача Чеферин.