Чуамени е нов играч на Реал Мадрид

Раководството на Реал Мадрид и официјално го објави трансферот на Аурелиен Чуамени од екипата на Монако. Неговиот договор со „кралскиот клуб“ е со важност од шест години.

Целиот трансфер е вреден 80 милиони евра , плус дополнителни 20 милиони во форма на бонуси.

Чуамени одбра да го облече белиот дрес на Реал и покрај сериозниот интерес од Ливерпул и Париз Сен Жермен.

Францускиот репрезентативец официјално ќе биде претставен како играч на Реал Мадрид во вторник, откако претходно ги помина задолжителните медицински тестови.