Чудесен рекорд на Ињаки Вилијамс: 200 натпревари по ред во Примера без пауза

На натпреварот меѓу Атлетико Мадрид и Атлетик Билбао, напаѓачот на тимот од Билбао, Ињаки Вилијамс влезе во почетниот состав на гостите, со што пва му беше 200-тоти последователен натпревар во дресот на Атлетик во рамките на Примера.

Ињаки Вилијамс не пропушти ниту еден натпревар за својот тим од април 2016 година. Натпреварот Атлетико Мадрид – Атлетик Билбао заврши нерешено со резултат 0-0. Во тековната сезона на Ла Лига, Вилијамс одигра пет натпревари и постигна два гола.

По пет одиграни кола, Атлетик Билбао се наоѓа на петтото место на табелата во шпанската лига со 9 бодови. Во шестото коло од шампионатот, Баскијците ќе бидат домаќини на Рајо Ваљекано, а средбата се игра на 21 септември.