Чурлинов пред потпис со Барнли на Винсент Компани

Новинарот Флоријан Плетенбург кој работи за германскиот „Спорт1“ објави дека постигнат е договор за трансфер на македонскиот репрезентативец Дарко Чурлинов во редовите на Барнли.

Денес во текот на денот беше објавено дека англискиот второлигаш понудил 3.25 милиони евра веднаш и плус 1.25 преку бонуси, но сега е објавено дека е постигнат договор за вкупни пет милиони евра.

Според Плетенбург сите страни се договориле и соработката е прифатена од Барнли, Штутгарт и Чурлинов.

Клучен фактор во трансферот на Чурлинов бил поранешниот капитен Винсент Компани кој сега е стратег на Барнли, тој бил импресиониран од настапите на Македонецот и го смета за големо засилување во целта за враќање во Премиер лигата.