Шанса за преродба: Џек Грилиш на позајмица во Евертон

Евертон постигна договор со Манчестер Сити за позајмица на Џек Грилиш. 29-годишниот фудбалер ќе се приклучи на едногодишна позајмица, со вербален договор за опција за откуп вредна 50 милиони фунти – која не е обврзувачка – што му дава флексибилност на Евертон околу потенцијален постојан трансфер наредното лето. Се очекува трансферот да се комплетира после задолжителниот лекарски преглед.

Грилиш одигра фрустрирачка сезона, настапувајќи седум пати во Премиер Лигата во кои постигна само 1 гол и 1 асистенција. Исто така беше изоставен од важни натпревари и натпреварувања, како што се Светското Клупско Првенство и финалето на ФА Купот. Со оваа позајмица, англискиот репрезентативец сега има шанса повторно да игра редовен фудбал – нешто што го бара за да ги зголеми шансите за настап на Светското Првенство во 2026.

Привлечноста на Евертон е во ветувањето за редовна игра и јасно дефинирана улога во клуб што минува низ значајна трансформација. Под водство на Дејвид Мојс, кој се врати во клубот ова лето, Евертон гради поконкурентен тим. Поддржани од ново сопствеништво и сместени во нивниот нов стадион, клубот има амбиции да се натпреварува за пласман кој ќе му овозможи европски фудбал

За Грилиш, ова е можност за нов почеток. Иако со Сити освои бројни трофеи – вклучувајќи Премиер Лиги и Лига на Шампиони – неговата улога беше сè помалку значајна. Новата шанса во Евертон, со загарантирани минути и клучна улога, може да биде токму тоа што му треба за да ја врати формата и да се избори за место во репрезентацијата за Светското Првенство.