Шахтјор доведе тренер од италијанската Серија А

Еден од најистакнатите тренери во Серија А, Роберто Де Зерби кој веќе неполни три години го води Сасуоло, договори соработка со славниот Шахтјор и од наредната сезона ќе го преземе украинскиот великан.
Оваа информација ексклузивно ја пренесе новинарот Фабрицио Романо, наведувајќи дека 42- годишниот стручњак ќе потпише договор со Шахтјор до летото 2023. година.
Де Зерби целата тренерска кариера ја помина во Италија, а вниманието на јавноста го привлече во сезоната 2017/18, водејќи го Беневенто во Серија А.
И покрај тоа што испадна по само една сезона, Де Зерби доби бројни пофалби за стилот на игра и напаѓачкиот фудбал кој го негуваше.
Веќе тоа лето го презеде Сасуоло, кој е осми во Серија А, баш на местото кое го зазеде минатата сезона и три позиции повисоко од дебитантската сезона.