Шпанците разочарани, Ѓоковиќ нема да игра во Мадрид

Новак Ѓоковиќ нема да игра на турнирот во Мадрид, објавија организаторите.

„Новак Ѓоковиќ, трикратниот шампион на Мадрид, нема да учествува на овогодинешното издание на нашиот турнир“, се вели во соопштението.

„Се надеваме дека тој ќе се врати на теренот што е можно поскоро и дека сите ќе уживаме во неговите игри како што уживавме толку години во Каха Махика.“

Неколку минути подоцна, и Новак го потврди тоа на својот Твитер профил.

„За жал, нема да можам да играм во Мадрид оваа година. Сè уште работам на моето закрепнување. Ќе се видиме наскоро!“

Дека не да игра во Мадрид, Ѓоковиќ потврди, пред натпреварот помеѓу Реал и Црвена Звезда во Евролигата.

„Ќе се обидам да играм, но имам одредени физички проблеми“, рече Србинот.

Ова значи дека Ѓоковиќ ќе го пропушти третиот врзан Мастерс оваа година. Тој играше само во Индијан Велс, а потоа ги прескокна турнирите во Мајами, Монте Карло и сега во Мадрид.